საქართველოს განათლებისა და მეცნიერების სამინისტროს ორგანიზებით ყოველწლიურად ტარდება სასწავლო ოლიმპიადები სხვადასხვა საგანში. გასულ სასწავლო წელს ქართული ენისა და ლიტერატურის მესამე ტურში გაიმარჯვა „მილენიუმის“ მეცხრე კლასის მოსწავლემ ანი მამისაშვილმა (პედაგოგი მ. კოპალეიშვილი), რომელიც საზაფხულო ბანაკის საგზურით დაჯილდოვდა. საზაფხულო ბანაკები ამავდროულად მოწყობილი იყო წყნეთსა და ბაკურიანში. თითოეული ბანაკიდან შეირჩა 12–12 მოსწავლე ინგლისური ენის ცოდნის, კომუნიკაბელურობის, აქტიურობის მიხედვით. სახელმწიფოს დაფინანსებით 2010 წლის 15 აგვისტოს ისინი გაემგზავრნენ ლონდონში, სადაც დაუვიწყარი თავგადასავლებით აღსავსე დღეები გაატარეს.
